【新冠疫情 ‧ 體壇應變】Calgary Stampede 縮寫 CS 嘅原意

2020-04-28 (星期二)

2020-04-28 (星期二)

【新冠疫情 ‧ 體壇應變】二零二零年度卡加利牛仔節取消

每年，卡加利牛仔節平均有一百萬人次入場，為卡城帶來超過一億元生產總值，亦貢獻亞省 (艾伯塔省) 五億元經濟收益。牛仔節帶動多個行業，她是亞省旅遊業重點推介嘅夏季活動，遊客慕名到訪，順道參觀洛磯山脈景點，暢旺亞省服務、餐飲及零售行業。牛仔節創造數以千計中短長期職位：招聘學生、散工、勞動階級以至市場推廣、社區聯絡及多類型白領職位。

對於有超過一百年曆史嘅卡加利牛仔節無奈需要取消，卡城市長南施表示，政府對未來大型娛樂及旅遊業活動有可能要重新思考。南施形容牛仔節係卡城嘅大磁石，意思係呢個活動可以發揮雙重經濟影響力。無奈政府現在首要任務係專注市民嘅康樂、情緒健康以及人身安全。

【新冠疫情 ‧ 體壇應變】二零二零年度卡加利牛仔節取消

提到牛仔帽、班撠、載歌載舞、煙花匯演、巡遊等，便可以聯想到卡加利，亦係「牛城」享負盛名嘅原因。牛仔節英文原名 Calgary Stampede 嘅縮寫 CS 其實別有意義。正所謂世上無免費午餐，但響卡城牛仔節期間，就肯定有免費早餐，呢個亦係 CS – Community Spirit 社區精神嘅精髓之內。牛仔節社區精神包括五大方面：回饋社會 (Giving Back)，創建青年階層 (Empowering Youth)，推動經濟 (Economic Benefit)，創造就業 (Creating Jobs)，宣傳農業及農作物 (Promoting Agriculture & AgriFood)。

第一屆卡加利牛仔節在一九一二年開始，並於一九二三年後成為年度定期活動。甚至上世紀經歷經濟大蕭條，第二次世界大戰和二零一三年南亞省水災等重大事故，牛仔節亦沒有取消。

但二零二零年，因新冠病毒疫情影響下，卡加利牛仔節需要有史以嚟第一次停辦。

「睹物思人」，話時話，大家可以網上重溫二零一九年牛仔節花車巡遊活動 (Calgary Stampede Parade 2019)，近三十萬人到卡加利 (卡尔加利) 市中心欣賞盛況。

轉載自: Feversports Canada